Moi Proffesseur

Na última clase da asignatura, despois de reparar sobre todo o aprendido, chegou o momento de reflexionar, unha vez máis, sobre nosotras como profesoras: todo aquelo que queremos ser e o que non. Eu propóñome os seguintes votos:

    Ser clara e coherente, en lo próspero y en lo adverso

    Renovarme e non deixar de aprender, en la riqueza y en la pobreza

    Traballar a motivación, en la salud en la enfermedad

Quero ser clara e facilitarlles en todo o que poida a aprendizaxe aos meus alumnos; coherente nas miñas decisións de avaliación, non cambiar de opinión a metade de curso nin excederme coas excepcións. Quero ter sempre moi en conta todo o que aprendimos con respecto á avaliación porque realmente penso que é un piar fundamental no proceso de aprendizaxe, que ben pode frustrar aos rapaces ou, pola contra, impulsalos ao éxito.

Renovarse o morir. Aínda que sone a tópico, neste caso é totalmente certo. Especialmente no que respecta ás tecnoloxías da información e a comunicación. Debo estar ben enterada das distintas metodoloxías e estratexias, experiencias doutros profesores, preguntar aos propios alumnos sobre as súas necesidades, asistir con frecuencia a cursos de formación, ... e innovar, arriscarme a propoñer e probar cousas novas.

A motivación. Eu que son de corazón brandiño empatizo con facilidade cos demais e espero saber aproveitar esta cualidade para extraer dos meus alumnos as súas necesidades e inquedanzas, e ofrecerlles un ensino estimulante, lúdico e personalizado. A miña gran meta sería poder transmitirlles a gran paixón que sinto pola lingua e a literatura, como o facían algúns bos profesores e conseguían así que quedásemos abraiados durante as súas clases.